തൃക്കരിപ്പൂര്: വലിയപറമ്പ പഞ്ചായത്തിലെ മാവിലാകടപ്പുറം പന്ത്രണ്ടില് പൊതു വിതരണ കേന്ദ്രത്തില് സിവില് സപ്ലൈസ് അധികൃതര് റെയിഡ് നടത്തി. ഇവിടത്തെ എ ആര് ഡി നമ്പര് 220 ലാണ് റെയിഡ് നടക്കുന്നത്. ചന്തേര പോലീസിന്റെ സഹായത്തോടെ സിവില് സപ്ലൈസ് ഓഫീസര് ടി സൂരജിന്റെ നേതൃത്വത്തിലുള്ള ഉദ്യോഗസ്ഥരാണ് പരിശോധന നടത്തുന്നത്. പടന്ന വില്ലേജ് ഓഫീസര് കെ വി കുര്യാക്കോസ്, ചന്തേര എസ് ഐ എ നിസാമുദ്ദീന് എന്നിവരും സംഘത്തിലുണ്ട്.
ഏറെ നാളായി ഇവിടെ പൊതുവിതരണ കേന്ദ്രം കൃത്യമായി തുറക്കാറില്ലെന്നു കാര്ഡുടമകള് അധികൃതര്ക്ക് പരാതി നല്കിയിരുന്നു.അതേ സമയം ഈയാഴ്ച ഉള്പ്പടെ 37000
രൂപയുടെ സാധനങ്ങള് ഇവിടേക്ക് കൊണ്ടു വന്നിരുന്നുവെന്നു ഉദ്യോഗസ്ഥര് പറഞ്ഞു.
വി മധുവാണ് കേന്ദ്രത്തിന്റെ ലൈസന്സി.
No comments:
Post a Comment